آتالار سوزو
\ سو دهنهيه، اينسان آرخايا باغليدير.
\ سو آخاريندا سالينان ائل ـ اوبا؛ بارلي ـ بههرلي اولار.
\ سو اولان يئرده ديريليك اولار.
\ سودا بوغولان آغلاماقلا يوخ، چابالاماقلا خئيير تاپار.
\ سويون لال آخاني، آدامين يئره باخاني.
\ سو بير يئرده قالاندا اييلهنر.
\ سو آخديغي يئردهن بيرده آخار.
\ سودا بوغولان سامان چؤپوندهن پاپيشار.
\ سو ايستهيهنيندير.
\ سو بارداغي سودا سينار.
\ سو بولانمايينجا دورولماز.
\ سو احساندير.
\ سولو ائل آبادان، سوسوز ائل ويران اولار.
\ سو موردارليق گؤتورمز.
\ سويو چيركلهنديرهنين نعشيني يوماغا سو تاپيلماز.
\ سو ايله اودون نه اويونو وار؟
\ سويو وئر سوسايانا، ايچسين قانا ـ قانا.
\ اود ايناملادير.
\ اود قالار كؤز اولار، قيز قالار سؤز اولار.
\ اود كولايله گيزلهنر.
\ اود گؤرسن گئتمه، كؤپك سسي ائشيدسن گئت.
\ اود قالاييب اودا دوشموشوك.
\ اودايله ظارافات ائيلهين آغلار قالار.
\ اود سوز اوجاق اولماز.
\ اود دوشدويو يئري يانديرار.
\ اودا يانمايان بالاسينادا يانماز.
\ اود يانان يئردن توستو چيخار.
\ اود اوجاقدا يانار.
\ اود دئمك ايلن آغيزا اود دوشمز.
\ اودايله اوينايان اود سوز قالار.
\ اود اولان اؤزونو يانديرار.
\ اود ائيلهيهني فلك ائيلهيه بيلمز.
\ اود هارا دوشسه اؤزونه يول آچار.
\ اود آدامي هم قيزديرار، همده يانديرار.
\ اودا پناه آپارانين اوجاغي سؤنمز.
\ اوددان كول تؤرهر، كولدن اود.
\ اودا درديني دئيهن خئيير آپارار.
\ اودو سؤين؛ قارا گونه قالار.
\ اودو، چيراغي يانديران خئيير آپارار.
\ اود ـ اوجاغا باخمايانين گونو خوشگلمز.
\ اوجاق سؤنمهين يئرده مسكن سالارلار.
\ يئل هاوالانيب كئچر.
\ يئل آپاران يئلينكي، يئرده قالان مينمكي
\ يئل اسمهيينجه ياپراق تپرهنمز.
\ يئل وورور چالير، يئنگهلر اوينايير.
\ يئله توپورسن؛ اؤز اوستونه قاييدار.
\ يئل قايادان نه آپارار؟
\ يئل گتيريب، گون قورودوب.
\ يئل اسنده يئللهنر، يول گؤرهنده يوللانار.
\ يئلايلن گلن، سئلايلن گئدهر، يئلايلن گلن، گولايلن گئدهر.
\ يئل بئله اسسه، بالتا بئله كسسه، واي منيم حاليما.
\ يئل اسيب، قوز تؤكولوب.
\ يئل اوفوردو، سو تؤكولدو.
\ يئل سوپورسون، ياغيش آپارسين؛ يوخا چيخسين، ايزي قالماسين.
\ يئل آپارسا سنه نه قالار؟
\ يئله دئديلر: ـ «اسمه!»
دئدي: ـ «كلهييمي كسمه».
\ يئل اوفوروب شيشيرتدييني گؤيه قالديرار.
\ يئلين ظارافاتي قووماقلا باشلانير.
\ يئله وئردييين دوشمنه قسمت اولار.
\ يئل آپارديغيني قايتارماز.
\يئلايله دولت اولان يئللهنه ـ يئللهنه قالار.
\ يئلين ايشي ائلايلن دئييل، گولايلن.
\ يئل باغلاياني ائل آچار.
\ يئل توزايله دوستلوق ائلهسه تك قالار.
\ يئل اولماسا سئلده اولماز.
\ يئل برك اسر، يولچونون يولون كسر.
\ يئله قوشولان چوخ اوزاغا گئتمز.
\ يئلدهن آمان ديلهمزلر.
\ كولك اسر، گول بوكولر.
كونول يانار، جان سؤكولر،
گئجه ـ گوندوز ياشي تؤكولر،
گؤزلريمين قاراسيندان.
\ كولهك كيمي هردهن بير يانا اسمه.
\ كولهكلي هاوادا دنيزده چيممهزلر.
\ كولهكلي ياتانين جين آتي اولار.
\ كولهكلي هاوادا پامبيق آتمازلار.
\ كولهكلي گونده خيرمان سووورمازلار.
