استاد شهریار

 

آلدى پیمان ایکى گونده خلقیدن ربّ قدیر
بیر گونون آدى «الست» و بیر گونون آدى «غدیر»
اولین گون سؤیله ‏دى آیا سیزین آللاهیزام؟
عرض ائدیب یکسر «بلى» مرد و زن و خرد و کبیر

ایکى ‏مینجى گون آلیب پیمان ولایت عشقینه
تا بیلینسین خلقه کیمدیر حیدر اول شیر دلیر
امر ائدیب پیغمبره اعلان ائله بو مطلبى

تا غدیر خم چؤلینده داستان اولسون شهیر

مجنون کیمی بو چوللری ،آختار ما لیلادن ساری

گز کونلوون صحراسینی،اوردان تاپارسان سن یاری

سوگی اوره کلرده گزر،آختار کونوللر باغچاسین

دوشمه اوره کلردن اوزاق،گزمه طبیعت بوخچاسین

آلدانما دنیایه بیر آن،دنیا وفا قیلماز سنه

بو بی وفادان آلدیغین،بیر گون گدر قالماز سنه

اول بیر گونش تک مهربان،نور ساچ بوتون دریالره

غفلته چوخ یاتما اویان ،گتمه شیرین رویالره

عشق اولسا درمان دردوه،گولمز سنه دیوانه لر