نمونه ای از اشعار ترکی استاد شهریار
سنین بهــره ن یئین کــیم دیــر ؟
کیمینکی سن ؟ ییه ن کیم دیر ؟
سنه دوغـری دئیه ن کــیم دیـر ؟
یـــالان دنیــــا ، یــــالان دنیـــا
...
ســنی فــــــــــــرزانه لــر آتـــدی
قــاپیب ، دیــــوانه لـــر تــوتــدی
کــیمی آلدی ، کــیمی ســاتدی
ســــاتـــان دنیــــــا ، آلان دنیــــا
آتـــــی ازل داغـــا ســالــدیـــق
یــورولــدوقجا ، دالــی قــالـدیق
آتـــــی ســـاتدیق اولاغ آلـــــدیق
یه هــــر اولـــدی ، پـــالان دنیـا
بیری آیــنا ، بیـــری پــــاس دیـــر
بیری آیــدین ، بیری کــاس دیـر
گئجه طوی دیر ، سحر یاس دیــر
گــول آچــدیقدا ، ســولان دنیـــا
...
قــوجــالار بـــوز بــاشین یئیه ن
قــــبیر لــرین داشـــین یــئیه ن
ئــــــوزو یـــئنه قــــــــالان دنیــــا
...
کــیم قیلیج تک قان توکن دیـــر ؟
تـــیمور هـــله کـــوره کــن دیــر
چــــنگیز جــــانین ، آلان دنیــــا
...
طـــــــوفانـــلاردا بوغـــولایدیــــن
نـــولـــیدی بیر داغــــیلایـــدیـن
بیــــزی درده ســــــــالان دنیـــا
...
اجــل جامین ، ایچه ن کئچــدی
اولان اولــدی ، کـئچن کــئچدی
نــــه ایســــتیردیــن اولان دنیـــا
...
دوغـــوب خـــلقی بـــوغان یئرده
اوغـــول نعشین اوغــــان یئرده
آنـــا زولفـــــین یـــــولان دنیـــــا
...
قـــالانیب هـــی جالانیب سـان
ازلـــدن چـــالـــخالانیب سان
یــــــئنه ده چــــــالخـــالان دنیـــا
...
قـــبرستانلیق ،سـون دئشیگون
نــه ایچـــه ریــن نـــه ائشیگون
قــــارانلـــیق بیـــر دالان دنیــــا
...
ده لـــی ، ویـــرانه نی خوشلار
دولان عقـــله ، ســـنی بوشـلار
ایچی بوشـــــــلا ، دولان دنیـــا
...
قـــیزیـلدان تـــللی قــــــالاندی
بـــاتیب ظلماتـــه قـــویلانـــدی
اولـــوب تــــللی تـــــالان دنیـــــا
اوجـاق ایــکن سـونونموشسن
چــاناق ایــکن چـونونموشسن
نه پیس قاری ننه ایمش ســن
ناغــــیل یـــالان پــــالان دنیــــا
یـــالان دنیــــا ، یــــالان دنیـــا
